Քաղաքական կոմպաս
Քաղաքական կողմնացույց
Մոնիտորինգ բաժնում պարբերաբար ներկայացվելու են քաղաքական գործընթացների մոնիտորինգի զեկույցներ, վերլուծություններ, որոնք օգնելու են հասկանալ թե որքանով են քաղաքական ուժերը հավատարիմ իրենց նախընտրական ծրագրերին:
Ծրագրերի համեմատում բաժնում դուք կարող եք ծանոթանալ քաղաքական ուժերի ծրագրային դրույթներին՝ ըստ բաժինների, ինչպես նաև համեմատել դրանք:
«Քաղաքական երկխոսություն» կազմակերպությունը ձևավորվել է 2018 թվականին՝ Թավշյա հեղափոխություից հետո՝ նպատակ ունենալով ուղղել կուտակված քաղաքական էներգիան Հայաստանի Հանրապետության ժողովրդավարացմանն ու մարդու իրավունքների պաշտպանությանը։ Համոզված ենք, որ ամուր ժողովրդավարության համար քաղաքացիական հասարակությունը և քաղաքական կուսակցությունները պետք է սերտ համագործակցեն և երկխոսեն: «Քաղաքական երկխոսություն» կազմակերպության առաքելությունն է նպաստել քաղաքացիների հետևողական մասնակցությանը քաղաքական գործընթացներին, որի շնորհիվ հնարավոր կլինի արմատավորել հաշվետու կառավարման և գիտակից որոշումների կայացման արժեքները հասարակության մեջ։ Ելնելով վերոնշյալից՝ կազմակերպությունը նպատակ ունի՝
1. Նորարական միջոցներով Հայաստանում ձևավորել գաղափարահեն քաղաքական դիսկուրս՝ հասարակության ակտիվ շերտերի և քաղաքական կուսակցությունների միջև:
2. Զարգացնել քաղաքական երկխոսության և համագործակցության հարթակը՝ քաղաքացիական հասարակության ներկայացուցիչների և քաղաքական ուժերի միջև:
3. Քաղաքականությունը մոտեցնել քաղաքացուն։
4. Աջակցել քաղաքացիներին ժողովրդավարական մեխանիզմների իրացման հարցում՝ հանրային շահի լոբբինգի միջոցով
Կազմակերպության հեռահար նպատակն է քաղաքական բազմազանության, բանավեճների և քննարկումների մեծ բացը լրացնելը, ինչը կնպաստի քաղաքացիների ավելի հետևողական մասնակցությանը քաղաքական գործընթացներին և ներդրում կունենա ներառական և հաշվետու քաղաքական համակարգի ձևավորման գործընթացում:
«Քաղաքական երկխոսություն» կազմակերպությունը մեկնարկել է նոր՝ մարզային ծրագիր, որի նպատակն է աջակցել ներքևից վերև ժողովրդավարության մշակույթի ամրապնդմանը և խթանել մարզային խմբերի մասնակցությունը քաղաքական որոշումների կայացմանը: Ծրագիրը հնարավորություն է տալիս մարզային հասարակական կազմակերպությունների անդամներին, փորձագետներին, ակտիվ քաղաքացիներին կազմել 4-5 հոգուց բաղկացած խումբ, ձևակերպել մարզին հատուկ մեկ խնդիր և մշակել այդ խնդրի լուծման առաջարկությունների փաթեթ։ Կազմակերպության կողմից՝ խմբի ներկայացրած փաթեթի ընտրվելու դեպքում նախատեսվում է մարզում կազմակերպել հանդիպում և այն ներկայացնել տեղական ինքնակառավարման մարմինների ներկայացուցիչներին, գործադիրի համապատասխան գերատեսչության աշխատակիցներին, ԱԺ պատգմանավորներին, ԶԼՄ ներկայացուցիչներին: Վերջնական փաթեթը ներկայացնելուց հետո «Քաղաքական երկխոսություն»-ը հետամուտ է լինելու խնդրի լուծմանը:
Հայտը լրացնելու համար սեղմեք ԴԻՄԵԼ կոճակը:
Մարզային խմբերի կողմից կազմված առաջարկությունների փաթեթներին կարող եք ծանոթանալ հետևյալ հղումներով՝
Արագածոտնի մարզի առաջարկությունների փաթեթ։
Տավուշի մարզի առաջարկությունների փաթեթ։
Աբովյան 34ա, N14
Երևան, Հայաստան
010 AM
info@political.am
Phone: (+374) 11 520 550
Mobile: (+374) 91 070 550
