Բացարձակ առաջնահերթություն կլինի մեր հայրենակիցների իրավունքների պաշտպանությունը միջազգային ատյաններում, այդ թվում՝ հատուցումներ արցախցիների իրավունքների խախտումների համար։

Գերիների, անհայտ կորածների, ինչպես նաև զոհված հերոսների ընտանիքների իրավունքների միջազգային պաշտպանությունը լինելու է մեր առաջնահերթությունը։ 

Առաջ կմղենք արցախցի մեր հայրենակիցների ապահով, արժանապատիվ և կամավոր վերադարձի հիմնարար իրավունքը միջազգային օրակարգում։

ՀՀ դատավորների ընդհանուր թիվը 275-ից հասցնել 350-ի (պետբյուջեի ծախսերը կավելացնի ամսեկան միջինացված 112.500.000-ով), յուրաքանչյուր դատավորի աշխատակազմում ավելացնել դատավորի օգնականի ևս մեկ հաստիք (պետբյուջեի ծախսերը կավելացնի ամսեկան միջինացված 122.500.000-ով): Կլորացված հաշվարկներով՝ պետբյուջեի ծախսերը տարեկան մոտ 3 միլիարդ դրամով ավելացվելու դեպքում, առաջարկվող ռեֆորմների արդյունքում ՀՀ դատական համակարգը կլիցքաթափվի առնվազն 60 տոկոսով