Մենք առաջարկում ենք երիտասարդների համար մատչելի բնակարանաշինության նոր մոդել, որը չի հանգեցնի գների աճի և չի ստեղծի երկարաժամկետ բյուջետային ճնշում։

• Պետությունը կառուցապատողներին տրամադրում է հողատարածքներ արդեն պատրաստ ենթակառուցվածքներով (ճանապարհ, հոսանք, ջուր, գազ, կոյուղի)
• Կառուցապատողի վրա մնում է միայն շենքերի կառուցումը, ինչը կտրուկ նվազեցնում է ինքնարժեքը
• Սահմանվում են բնակարանների գների վերին շեմեր, բացառելով սպեկուլյատիվ գնաճը
• Ծրագրով նախատեսվում է կառուցել 20,000 մատչելի բնակարան

• Կբարձրացնենք նվազագույն աշխատավարձը և կենսաթոշակները՝ արժանապատիվ կյանք ապահովելու համար։
  
  
• Աշխատանքը կորցնելու դեպքում կտրամադրենք եկամտի ժամանակավոր հատուցում՝ մինչև 6 ամիս ժամկետով։
  
  
• Կստեղծենք վերապատրաստման կենտրոններ՝ ապահովելով 10,000-ից ավելի քաղաքացու մուտքը բարձր եկամուտ ապահովող ոլորտներ։

• Բազմազավակ ընտանիքին, չորրորդ երեխայից սկսած, կտրամադրենք անվճար բնակարան մարզերում։

• Բազմազավակ ընտանիքի եկամտային հարկը կհաշվարկվի ընդհանուր եկամտից՝ նվազեցնելով հարկի չափը յուրաքանչյուր երեխայի համար։