• Ուժեղ խաղաղություն՝ ապահովված մի քանի երաշխավորի կողմից,
  
  
• Բանակցություններ՝ առանց միակողմանի զիջումների՝ պահպանելով կարմիր գծեր։

• Հայաստանը պետք է բանակցի վստահության, արհեստավարժության և ազգային արժանապատվության դիրքերից և ոչ թե վախի կամ պարտադրված զիջումների պայմաններում։

• Իրական և տևական խաղաղությունը չի կարող հիմնվել խոստումների կամ բարի ցանկությունների վրա։ Այն պետք է ապահովված լինի հստակ, 8պարտադիր ուժ ունեցող համաձայնագրերով և միջազգային մի քանի հզոր երաշխավորներով։

• Բանակցությունները վարելու են փորձառու մասնագետներ՝ հենված Սամվել Կարապետյանի ամուր միջազգային կապերի վրա։ Յուրաքանչյուր բանակցային գործընթաց վարվելու է հստակ կարմիր գծերի առկայությամբ՝ Հայաստանի ինքնիշխանությունն ու տարածքային ամբողջականությունը սակարկության թեմա չեն կարող լինել։

Համագործակցության հիմնական ուղղություններն են. 

• Ռուսաստանի Դաշնություն և Իրանի Իսլամական Հանրապետություն. տարածաշրջանային անվտանգության, էներգետիկայի և տրանսպորտային փոխկապվածության ոլորտներում հիմնական դաշնակիցներ,
  
  
• Եվրոպական Միություն և Ամերիկայի Միացյալ Նահանգներ. համագործակցություն ներդրումների, տեխնոլոգիաների, ինստիտուցիոնալ զարգացման և տնտեսական արդիականացման ոլորտներում, 
  
  
• Վրաստան. տրանսպորտային միջանցքների, տարանցման, էներգետիկ և առևտրային ենթակառուցվածքների զարգացում, 
  
  
• Թուրքիա. փոխադարձության և փոխշահավետության հիման վրա հարաբերությունների՝ առանց նախապայմանների փուլային նորմալացում:

Մենք միանշանակորեն կողմ ենք խաղաղ կարգավորմանը, բայց՝ առանց միակողմանի զիջումների։ Մեր ծրագրային մոտեցումը հետևյալն է.

• Սահմանի սահմանագծում և սահմանազատում ողջամիտ ժամկետում և իրավական հիմքով, 
  
  
• Ռազմագերիների անվերապահ վերադարձ՝ որպես վստահության ձևավորմանն ու խաղաղ գործընթացին նպաստող կարևորագույն հանգամանք, 
  
  
• Արդար և կայուն խաղաղության ապահովման համատեքստում Արցախի հայության հիմնարար իրավունքների ճանաչման և պաշտպանության հետևողական առաջ մղում, ներառյալ վերադարձի իրավունքը` միջազգային իրավունքի և միջազգային մեխանիզմների շրջանակում: