Բերքի երաշխավորված մթերում գյուղերում

ՀՀ-ում գյուղատնտեսական ոլորտի արդյունավետության բարձրացման, բերքի կորուստների նվազեցման և արտահանման խթանման նպատակով առաջարկվում է ստեղծել մասնագիտացված մթերման կայանների / պահեստավորման ու բաշխման լոգիստիկ համալիրների համակարգ (պիլոտ՝ Արմավիրի և Արարատի մարզերում)։

Մթերման կայանները կգործեն որպես ժամանակակից լոգիստիկ հանգույցներ՝ ներառելով հետևյալ հիմնական գործառույթները․

• վառելիքի և պարարտանյութերի մեծածախ գնում և ցանքի սկզբում մատակարարում գյուղացիական տնտեսություններին՝ հետագայում բերքով վճարելու հնարավորությամբ։ Սա թույլ կտա ունենալ վառելիքի ու պարարտանյութերի մատչելի գներ՝ կենտրոնացված գնումների շնորհիվ։
• սորտավորում, զտում, կշռում և տրամաչափում՝ միասնական չափանիշներով,
• տարայավորում և փաթեթավորում՝ հոսքային գծերով՝ ներքին շուկայի և արտահանման պահանջներին համապատասխան,
• սառնարանային պահեստավորում՝ տարբեր ջերմաստիճանային և խոնավության գոտիներով՝ բերքի պահպանման ժամկետը երկարացնելու համար,
• մաքսային պահեստներ՝ արտահանման գործընթացների արագացման և խմբաքանակների ձևավորման նպատակով,
• որակի վերահսկման բաղադրիչ և մասնագիտական խորհրդատվություն, որով կաջակցվի ֆերմերներին՝ պահպանելու թույլատրելի նորմերը պարարտանյութերի և թունաքիմիկատների կիրառման ժամանակ, նվազեցնելով սննդային անվտանգության ռիսկերը։

Ծրագրի իրականացմամբ ակնկալվում են հետևյալ հիմնական արդյունքները՝

• մոտ 80 աշխատատեղի ստեղծում՝ յուրաքանչյուր ներգրավված շրջանում
• բերքի կորուստների նվազում առնվազն 25%-ով
• որակի աճ և վաճառքի գնի բարձրացում
• արտահանման աճ
• գյուղմթերքի գների կայուն մակարդակ
• արտադրության ինքնարժեքի նվազում
• ցանքի ֆինանսավորման հասանելիության աճ
• անվտանգ արտադրանքի ապահովում՝ որակի շնորհիվ։

• Գյուղատնտեսություն ասելով այլևս պետք է հասկանալ նախևառաջ ինտենսիվ գյուղատնտեսություն և բոլոր ջանքերը կենտրոնացնել Հայաստանում ինտենսիվ գյուղատնտեսությունն  ընդլայնելու վրա։ Օրգանիկ և փորձարարական գյուղատնտեսությունը նույնպես պետք է դիտարկել այս տրամաբանության ներքո։ 
  
  
• 20 հազար նորագույն մեքենասարքավորումներով և դրանց բաղկացուցիչներով տնտեսության արդիականացում՝ ներառյալ 3000 գյուղատնտեսական տեխնիկան և 2000 ագրովերամշակման սարքավորումները:

• Տարեկան առնվազն 1500 հեկտար ինտենսիվ այգիների հիմնում։ 

• 150 հա արդիական ժամանակակից տեխնոլոգիաներով ջերմատների ստեղծում:

• 8000 հա հողատարածքներում ջրախնայող տեխնոլոգիաների ներդնում:

• Տավարի մսի ինքնաբավության բարձրացում 88 տոկոսից մինչև 93,5 տոկոս:

• Տոհմային խոշոր եղջերավոր կենդանիների տեսակարար կշռի եռապատկում՝ 2,5 տոկոսից 7,5 տոկոս։

• Կաթի ինքնաբավության մակարդակի բարձրացում՝ ներկայիս 78,6 տոկոսից մինչև 88,7 տոկոս:

• Տոհմային մանր եղջերավոր կենդանիների տեսակարար կշռի եռապատկում՝ 2,5 տոկոսից 7,5 տոկոս։

• 50 խելացի անասնաշենքերի կառուցում:

• 2 գյուղատնտեսական լոգիստիկ կենտրոնների ստեղծում: 

• 25 սառնարանային տնտեսության ստեղծում կամ հզորացում:

• Ներմուծվող թունաքիմիկատների և պարարտանյութերի որակի և վաճառքի վերահսկման համակարգի ներդրում:

• 10 ջրամբարների կառուցման մեկնարկ՝ 2033–ին ավարտելու նպատակադրումով:

• 350 կմ ջրանցքների և խողովակաշարերի կառուցում և վերակառուցում։

• Ոռոգման ապահովում 10 հազար հեկտար նոր հողերի համար: