• Սահմանել 0% շրջանառության հարկի դրույքաչափ շրջանառության հարկ վճարող միկրո, փոքր և միջին բիզնեսի համար՝ նպատակ ունենալով նվազեցնել ՓՄՁ-ի ֆինանսական բեռը և կանխել զանգվածային փակման ու զբաղվածության անկման ռիսկերը։

Միաժամանակ առաջարկվում է կիրառել տարբերակված մոտեցում վարչարարության մեջ․

• Թուլացնել վարչարարությունը իրական ՓՄՁ սուբյեկտների նկատմամբ՝ նվազեցնելով ստուգումների, հաշվետվությունների և տույժերի ճնշումը, որպեսզի տնտեսվարողները կարողանան կենտրոնանալ գործունեության պահպանման և զարգացման վրա։
• Ուժեղ վերահսկողություն կիրառել այն դեպքերի նկատմամբ, երբ խոշոր ընկերությունները կարող են արհեստականորեն տրոհվել մի քանի փոքր սուբյեկտների՝ շրջանառության հարկի արտոնությունից օգտվելու և հարկային պարտավորություններից խուսափելու նպատակով։

•  Հարկային կարգավորումները, մի կողմից, պետք է ապահովեն պետական եկամուտների կայունությունն ու աճը, մյուս կողմից՝ առավելագույնս կանխատեսելի միջավայր ստեղծեն տնտեսվարողների համար։ 
  
  
• 2026-2031 թթ. ժամանակահատվածում Հարկային օրենսգիրքը փոփոխության կենթարկվի տարեկան առավելագույնը մեկ անգամ, ինչպես նաև միջոցներ կձեռնարկվեն  Հարկային օրենսգիրքը հնարավորինս կանխատեսելի դարձնելու ուղղությամբ։ 
  
  
• Ֆիսկալ դեֆիցիտի աստիճանական նվազում՝ առավելագույնը մինչև ՀՆԱ-ի 2%-ով: Հարկեր/ՀՆԱ հարաբերակցությունը կկայունանա 26% մակարդակում։ Պարտքի սպասարկման տոկոսային ծախսերը բյուջեի եկամուտներում կնվազեն 12.1 տոկոսից 2025 թվականին առնվազն 2 տոկոսային կետով՝ ժամանակաշրջանի վերջում: