Կառավարության աջակցության փաթեթներ

ՀՀ կառավարությունը հակաճգնաժամային միջոցառումների շրջանակում պետական աջակցություն կտրամադրի մի շարք քաղաքացիների և տնտեսվարողների։ Այդ նպատակով կառավարությունը մշակել է կորոնավիրուսի սոցիալական և տնտեսական հետևանքների չեզոքացման ծրագրեր։

Եթե դուք`

  • մինչև 14 տարեկան երեխա ունեցող ընտանիք եք, որտեղ ծնողները կամ ծնողներից մեկը կորցրել է իր գրանցված աշխատանքը մարտի 13-25 ընկած ժամանակահատվածում և մարտի 25-ի դրությամբ ծնողներից ոչ մեկը չունի աշխատանք,
  • մարտի 13-30 ընկած ժամանակահատվածում աշխատանքից ազատված անձ եք և չեք աշխատել ֆինանսական կազմակերպություններում կամ շահումով խաղերի կազմակերպիչների մոտ
  • հղի կին եք, ով մարտի 30-ի դրությամբ չունի աշխատանք և ում ամուսինն ազատվել է աշխատանքից մարտի 13-30 ընկած ժամանակահատվածում կամ չունեք ամուսին,
  • քաղաքացի եք, ով մարտի 13-30 հանդիսացել է նշված ոլորտների վարձու աշխատող կամ անհատ ձեռնարկատեր՝
    - հյուրանոցային և հյուրատնային ծառայություններ,
    - հանրային սննդի ծառայություններ,
    - զբոսաշրջային ծառայություններ,
    - վարսավիրանոցների և գեղեցկության սրահների ծառայություններ,
    - մանրածախ առևտրի ծառայություններ (բացառությամբ սննդամթերք և դեղորայք վաճառողների

- ցամաքային տրանսպորտի գործունեություն (երթուղային տրանսպորտ)

- նախադպրոցական կրթություն (մասնավոր մանկապարտեզներ)

­- սպորտի բնագավառում գործունեություն (սպորտային ակումբներ, լողավազաններ)

  • 0-18 տարեկան երեխա ունեցող ընտանիք եք, որտեղ երկու ծնողներն էլ չունեն գրանցված աշխատանք
  • բնական գազի մատակարարման և էլեկտրական էներգիայի մատակարարման պայմանագիր կնքած բնակիչ բաժանորդներ եք, ում 2020 թվականի փետրվար ամսվա ծախսը չի գերազանցել բնական գազի սպառման գծով՝ 10 000 դրամը, էլեկտրական էներգիայի սպառման գծով՝ 5 000 դրամը
  • բնական գազի մատակարարման և էլեկտրական էներգիայի մատակարարման պայմանագիր կնքած բնակիչ բաժանորդ եք, ում 2020 թվականի փետրվար ամսվա ծախսը կազմել է բնական գազի սպառման գծով՝ 10 001 - 30 000 դրամ ներառյալ, իսկ էլեկտրական էներգիայի սպառման գծով՝ 5 001 - 10 000 դրամ ներառյալ
  • 2020 թվականի ապրիլ ամսվա դրությամբ ընտանեկան և սոցիալական նպաստների իրավունք ունեցող ընտանիքները
  • ՀՀ բարձրագույն և հետբուհական (կլինիկական օրդինատուրա) կրթական ծրագրեր իրականացնող ուսումնական հաստատությունների ՀՀ քաղաքացի հանդիսացող սովորողներ,
  • ՀՀ այն բնակիչները, որոնք կմասնակցեն, շրջակա միջավայրի նախարարության «Հայանտառ» ՊՈԱԿ-ի, «Վայրի բնության եւ մշակութային արժեքների պահպանման հիմնադրամի» եւ «Էյ Թի Փի» բարեգործական հիմնադրամի կողմից կազմակերպվող գետերի ափապաշտպան անտառաշերտերի հիմնման աշխատանքներին
  • բնական գազի մատակարարման և էլեկտրական էներգիայի մատակարարման և խմելու ջրի մատակարարման և (կամ) ջրահեռացման ծառայության պայմանագրեր կնքած բնակիչ բաժանորդները, որոնք փետրվար ամսվա բնական գազի սպառումը կազմել է 30 001 - 40 000 դրամ, էլեկտրական էներգիայի սպառումը 10 001-25 000 դրամ և մարտ ամսվա խմելու ջրի մատակարարման և (կամ) ջրահեռացման ծառայության դիմաց ծախսը կազմել է մինչև 3000 դրամ ներառյալ:

Խորհուրդ ենք տալիս ծանոթանալ կորոնավիրուսի սոցիալական  հետևանքների չեզոքացման ծրագրերին ու ֆինանսական աջակցության տրամադրման հիմնական պայմաններին և չափին հետևյալ հղմամբ՝ https://www.gov.am/am/covid-19-cragrer./:

Ինչ վերաբերում է կորոնավիրուսի տնտեսական հետևանքների չեզոքացման ծրագրերին, հարկ է նշել, որ պետական աջակցության շահառու խմբեր են հանդիսանում՝

  • ռեզիդենտ տնտեսավարողները, որոնք ունեն բարվոք վարկային և հարկային պատմություն (թիրախը՝ հենց ծախսի նպատակով է որոշվում,),
  • ոլորտի ռեզիդենտ տնտեսավարողները և անհատները, որոնք ունեն բարվոք վարկային և հարկային պատմություն, ինչպես նաև գյուղ.կոոպերատիվներ (թիրախ՝ գյուղատնտեսության ոլորտ)
  • ռեզիդենտ տնտեսավարողները, որոնք ունեն բարվոք վարկային և հարկային պատմություն (թիրախ՝ ՓՄՁներ)
  • 2-ից 50 աշխատակից ունեցող ռեզիդենտ տնտեսավարողները
  • միկրոձեռնարկատիրության սուբյեկտ հանդիսացող տնտեսավարողները
  • տնտեսավարողներ, ովքեր համապատասխանում են «Տեղեկատվական տեխնոլոգիաների ոլորտի պետական աջակցության մասին» ՀՀ օրենքում նշված չափանիշներին,

Շահառու խմբերը կարող են ծանոթանալ կորոնավիրուսի տնտեսական հետևանքների չեզոքացման ծրագրերին և աջակցության հիմնական պայմաններին հետևյալ հղմամբ՝ https://www.gov.am/am/covid19./:

Վերջերս, կառավարությունը հաստատել է կորոնավիրուսի տնտեսական հետևանքների չեզոքացման տասնութերորդ միջոցառումը, որի շահառուն են հանդիսանում՝

  • այն տնտեսվարողները, որոնք 2020 թ.-ի փետրվար, մարտ և ապրիլ ամիսների համար օրենքով սահմանված կարգով ՀՀ ՊԵԿ ներկայացված եկամտային հարկի և սոցիալական վճարի ամսական հաշվարկներով ունեցել են ամսական 2-ից 100 աշխատակից: